Las cocretas de Prancacia i Grabiel

Unu delos feitíus que más se destacan del estremeñu palos oídus fisnus es la muación d’angunas letras endrentu dela palabra. Esti cambeu lo conocemus comu metátesi i ena muestra palra está bien presenteru, enque no es cosa solu del estremeñu, pos tamién apaeci n’otras palras astul-leonesas i en castellanu puebleru.

Esti entrecambiu fonéticu se halla comu una cosa mal dicha, por causa dela diglossia de que se doleci el puebru estremeñu. La diglossia se da quandu convivin dos luengas en desigualdá de condicionis, velaquí el castellanu -luenga de coltura i del Estau- i l’estremeñu -palra de campusinus, pastoris i obrerus-.

Memi en que se muestra el gastu dela metátesi comu una cosa atrasá, exempru cutianu dela diglossia

La metátesi n’estremeñu afeta las más delas vezis al soníu erri n’angunas colocacionis, peru puei acontecel alas vezis con otrus. Las palabras con metátesi son muchas vezis -no siempri- vozis estrangeras, cultas o nombris propius:

croquette > croqueta > cocreta, cocleta

cerámica > cemárica

Pancracia > Prancacia

Gabriel > Grabiel, Graviel

Zaratustra > Zaratrusta

cabestru > cabrestu

despotricar > desprotical

quebrantar > crebantal

necessidá > nessecidá, nesseciá

interpretar > *entrepretal > entrepetal

intérprete > *entrépreti > entrépeti

neandertal > nardental

Otras vozis que dendi’l castellanu vén-si comu metatéticas -quandu son fielis ala etimología- sonin por exempru murciégalu i crocodilu, del latín murcaecalum i crocodilum. Nel casu esti, es el castellanu el que hazi la metátesi con murciélago i cocodrilo. 😉

Santu prencipal: guiarepsol.com

2 comentarios sobre “Las cocretas de Prancacia i Grabiel

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s