Estoria delas estitucionis estremeñas

El país estremeñu es una comunidá umana desenroá a partil dela Estremaúra leonesa i los territorius ocidentalis dela Estremaúra castillana. El puebru estremeñu se conhormó cona conquista i colonización delas sierras i anzinaris arreol delos vallis de Guadiana i el Taju, entri los siegrus XI i XIII.

Dendi’l norti ajorrarun leonesis, gallegus i castillanus p’acatal unas tierras que divan síu ata aquellus antoncis de pertenencia mosulmana. En el andal dela Conquista Cristiana, las Estremaduras eran las tierras de frontera delos reinus del norti que deslindavan conos morus.

Mapa dela Asociación Sociocultural Castilla

Las cañás qu’enllenavan de puebración las Estremaúras a dambus laus dela Vía dela Prata, traívan alavanis de palrantis del leonés que se habrava pa tolas tierras del salienti de León, La Liébana, Asturias de Santillana, Palencia, Çamora o Salamanca. Essi leonés orental, criau en tierras del sul, hue la semienti l’estremeñu moernu.

Enas Cortis de Segovia del 1390, en concidiendu cona unión delas Coronas de León i Castilla, s’ajuntan oficialmenti la Estremaúra leonesa con un güen dau dela parti legalmenti castillana, en reconociendu assina los atijus entri unas tierras que palravan ya la mesma fala i gastavan de costumbris igualis. Las partis d’almenistración leonesa i castillana se mesturarun ata queal junta la huerça del terrenu ena Provincia de Estremadura.

Assín i tó, quearun ahuera della angunas puebracionis importantis conas mesmas tradicionis, comu Talavera dela Reina i tola haza orental lindera con Toleu. La Provincia encruía la Salamanca d’agora peru descarecía del piquinu d’Olivencia, cedíu a Portugal dun rei castillanu tiempu á.

La essestencia duna Estremaúra coltural -inhormal o oficial- se da dendi’l momentu primeru dela Conquista i vai cogiendu horma ata tiempus más de rezién. Aquesta primera Estremaúra -tamién mentá comu Provincia de Salamanca n’angunas huentis- duró arreol de quatru siegrus i el su nombri atravessó l’oceanu conos muchus estremeñus qu’aballarun en cata de fortuna duranti’l siegru XV, en diendu nombri a cidais almericanas comu Méria, Medellín, Trugillu… i mesmu alas tierras de Chili, almentá en tiempus comu Nueva Estremadura.

Nel 1580, Portugal i Castilla s’ajuntan ena mesma Corona i Estremaúra vivi una epoca de frorencia, qu’acaba col espiençu dela Guerra de Restauración portuguesa entri’l 1640 i el 1668. Esti conflitu repitió la endependencia a Portugal, conque Estremaúra golvió a assitial-si enas alreorás dela Corona i queó sin salieru pa ponienti, çaleá dela guerra, despuebrá i descadenti.

Huenti: magnet.xataka.com

Enantis d’acabal la guerra contra Portugal, nel añu del 1653, se pusun ala venta dos votus en Cortis: unu lo mercó Galicia i otru Estremaúra. Cona delantera de Prasencia, esta cidá junta Badajó, Méria, Trugillu i las villas de Caçris i Alcántara, comprarun poeris políticus a trocu de 80.000 ducaus. Namás unus añus dimpués, en el añu 1702, estrumpi la Guerra de Socessión que dura ata’l 1713. La tierra quea ruiná delos exércitus estrangerus.

Prefeturas napoleónicas, magnet.xataka.com

Quasi qu’un cientu d’añus más tardi, nel 1808, s’arrebulli la Guerra dela Endependencia contra Francia, ata’l 1814. El régimi napoleónicu devidió la Provincia d’Estremaúra enas prefeturas de Caçris i Méria, antecedentis delas provincias moernas. El mapa últimu s’assentó nel 1833, dela manu del afrancesau Javier de Burgos.

Regionis i provincias, 1833; Wikipedia
Devisión autonómica i provincial dela Costitución del 1978

Ya nel siegru XX, antecedíus del folcloreu i las repuchanças cantonalis del XIX, apaecin las primeras revendicacionis regionalis entri angunas capas meyas i enteletualis. El Franquismu afusila i sepulta esti afán, que renaci col autonomismu dela segunda metá del siegru XX en horma dun estremeñeríu más destensu qu’el delos añus dantis dela ditaúra. El 25 de hebreru del 1983, las Cortis Generalis aprevan el Estatutu d’Autonomía.

El primel quartu’l siegru XXI está huendu una epoca arrebullía que hazi de barruntal muacionis territorialis lo mesmu nel mundu que nel Estau… vain a afetal los çocotreus geopolíticus tamién a Estremaúra? Más palantri ai más.

Santu prencipal: Faltriquera Trajes Regionales

2 comentarios sobre “Estoria delas estitucionis estremeñas

  1. Al ser Plasencia la ciudad que tomó la iniciativa para conseguir voto en las Cortes de Castilla, arrastrando a otras ciudades, bien pudiera decirse que fue Plasencia la que aglutinó el territorio extremeño, conformándose prácticamente tal como lo conocemos hoy en día.
    Un saludo. El artículo es muy interesante.

    Me gusta

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s